خاتون کا قتل

آگرہ۔ (یواین آئی) آگرہ کے تاج گنج علاقہ میں ایک شادی شدہ خاتون کو گلا دباکر قتل کرنے کا معاملہ سامنے آیا ہے۔پولیس کے مطابق نئی آبادی بلدیو نگر میں رادھے شیام کی اہلیہ سونا دیوی (۲۸) اپنے کمرے میں چھت کی کنڈی سے آج صبح لٹکی ہوئی ملی۔متوفیہ کے رشتہ داروں کا الزام ہے کہ رادھے شیام شادی کے بعد سے ہی جہیزکامطالبہ کررہا تھا ۔ مطالبہ پورا نہ ہونے پررادھے نے ان کی بیٹی کا گلا دبا کر قتل کردیا اور بعد میں اسے کنڈی سے لٹکادیا۔لاش پوسٹ مارٹم کے لئے بھیج دی گئی ہے۔ پولیس معاملے کی تفتیش کررہی ہے۔