خاتون کا پرس چوری

لکھنؤ۔برونی گوالیار میل کے ریزرو کوچ میں سفر کررہی ایک خاتون کا پرس چوروںنے چلتی گاڑی میں پار کردیا ہے۔ خاص بات یہ ہے کہ چوروں نے پرس کا سامان نکال کر پرس بغل کی کوچ میں ڈال دیا۔ پرس کی چوری کی واقعے کی رپورٹ متاثرہ خاتون نے جی آر پی چارباغ میں درج کرائی۔ موصولہ اطلاعات کے مطابق دارالسلطنت کے چنہٹ تھانہ علاقے کی سنیتا سنگھ برونی گوالیار میل کے ریزرو کوچ ۷۔۸کی سیٹ نمبر ایک پر چھپرا سے لکھنؤ آرہی تھیں۔ دوریا کے پاس گوری بازار اسٹیشن پر کسی چور نے ان کا پرس چوری کرلیا۔پرس میں اے ٹی ایم کارڈ ،پین کارڈ ،ووٹر آئی ڈی ، موبائل فون اور چارہزار روپئے نقد تھے۔ متاثرہ نے جی آر پی چار باغ میں رپورٹ لکھاتے ہوئے بتایا کہ جب انہوں نے ریل گاڑی کے دیگر ڈبوں میں پرس کی تلاش کی تو ان کا پرس کوچ نمبر ایس سات کے اجابت خانے کے باہر مل گیا۔