ممبئی۔ گریگ چیپل کا کہنا ہے کہ آسٹریلیا میں خراب فارم کے باوجود گزشتہ چمپئن ہندوستان کو ہلکے میں نہیں لیا جا سکتا اور وہ عالمی کپ کے مضبوطدعویداروں میں ہوگا۔چیپل نے کرکٹ آسٹریلیا کو انٹرویو میں کہا کہ آپ ہندوستان کو کبھی ہلکے میں نہیں لے سکتے۔ آسٹریلیا میں ان کا انجام اتنا اچھا نہیں رہا ہے لیکن عالمی کپ میں وہ الگ ہی ٹیم ہوگی۔ہندوستان کو آسٹریلیا نے ٹیسٹ سیریز میں 2۔ 0 سے شکست دی۔ اس کے بعد سہ رخی ون ڈے سیریز میں ہندوستانی ٹیم ایک بھی میچ نہیں جیت سکی۔ اسے آسٹریلیا میں پہلی جیت کل افغانستان کے خلاف دوسرے پریکٹس میچ میں ملی۔ویسٹ انڈیز میں 2007 ورلڈ کپ میں ہندوستان کے پہلے ہی راؤنڈ سے باہر ہونے کے بعد کوچ کے عہدے سے استعفی دینے والے چیپل نے کہا کہ وہ آسٹریلیا کو ورلڈ کپ کا سب سے مضبوط دعویدار مانتے ہیں۔ انہوں نے کہامجھے لگتا ہے کہ آسٹریلیا سب سے اہم دعویدار ہے۔ وہ ورلڈ کپ جیت سکتا ہے ۔ اس کی تیاری سب سے اچھی ہے۔ کرکٹ آسٹریلیا کے نیشنل ٹیلنٹ منیجر چیپل برسبین میں انٹرنیشنل کرکٹ سینٹر میں ملازم ہے۔
انہوں نے کہا کہ جنوبی افریقہ، پاکستان، سہ میزبان نیوزی لینڈ اور ویسٹ انڈیز بھی آسٹریلیا اور ہندوستان کے علاوہ اہم دعویدار ہیں۔ چیپل نے کہاجنوبی افریقہ کی تیاری اچھی ہے اور ٹیم کافی ڈسپلن ہے۔ نیوزی لینڈ کو ہلکے میں نہیں لیا جا سکتا اور اپنی سرزمین پر کھیلنے کا اس کا فائدہ بھی ملے گا۔ انہوں نے کہاپاکستان اور ویسٹ انڈیز کو بھی کمتر نہیں سمجھ سکتے کیونکہ ان کے پاس اچھے فاسٹ بولر ہیں۔ چیپل نے کہا کہ انہیں یقین ہے کہ سیمی فائنل میں اچھی ٹیمیں جائیں گی۔ انہوں نے کہاتمام ٹیموں کو اچھا کھیلنا ہوگا اور تقدیر بھی ضروری ہے۔ سیمی فائنل میں چار اچھی ٹیمیں ہوں گی اور اس سے آگے دو بہترین ٹیمیں جائیں گی۔ انہوں نے کہا کہ ٹی 20 کرکٹ کا کھیل پر کافی اثر پڑا ہے۔ انہوں نے کہاٹی 20 کرکٹ کا کھیل پر اور ون ڈے کرکٹ پر بہت اثر پڑا ہے۔ کچھ کھلاڑیوں کیلئے میدان اتنے بڑے نہیں ہیں جو گیند کو جم کر پیٹتے ہیں۔
