خطابی جنگ میں یوسف پٹھان پر رہے گی سبھی کی نظر

ممبئی۔گزشتہ چمپئن اور میزبان مغربی زون کل یہاں دیودھر ٹرافی محدود اوورز کی کرکٹ مقابلے کے دن رات کے فائنل میں مشرقی زون کے خلاف مضبوط دعویدار کے طور پر اتریگا۔مغربی زون نے 30 نومبر کو پہلے سیمی فائنل میں گزشتہ سال کے نائب پر 52 رن کی آسان جیت کے ساتھ فائنل میں جگہ بنائی تھی جبکہ جنوبی زون نے کل دوسرے سیمی فائنل میں بحران میں گھرنے کے بعد زوردار واپسی کرتے ہوئے دو وکٹ سے جیت درج کی۔ مغربی زون کو اپنے گھریلو میدان پر کھیلنے کا فائدہ ملے گا اور کل سیمی فائنل کے دوران استعمال ہوئے وکٹ کے استعمال ہی فائنل میں کیا جائے گا۔ گھریلو ٹیم کے پاس آل رائونڈروں کی صلاحیت ہے جبکہ مشرقی زون کی ٹیم اپنے کپتان منوج تیواری پر کافی زیادہ انحصار ہے۔ میچ کے نتیجہ میں بلے بازی اہم کردار نبھائے گی اور ایسے میں مغربی زون کے بلے بازی آرڈر کی گہرائی اہم ثابت ہو سکتی ہے۔ سیمی فائنل میں مغربی زون کی ٹیم ایک وقت کافی مشکل صورتحال میں تھی لیکن جنوبی زون نے مخالف ٹیم کے سب سے اوپر رنز بنائے سوریہ کمار یادو اور پٹیل کے کیچ ٹپکاکر ٹیم کو واپسی کا موقع دے دیا۔روہت شرما اور اجنکیا رہانے کے ٹیم انڈیا کے ساتھ آسٹریلیا کے دورہ پر جانے کے باوجود مغربی زون کا بلے بازی آرڈر بہت مضبوط ہے جس میں سب سے اوپر ترتیب میں امباتی رائیڈو اور کپتان یوسف پٹھان جیسے کھلاڑی شامل ہیں۔اس کے برعکس مشرقی زون کی ٹیم تیواری پر بڑی حد تک انحصار ہے جنہوں نے شمالی زون کے خلاف سیمی فائنل میں 151 رنز کی اننگز کھیلی تھی۔ ٹیم کو زخمی آل راؤنڈر لکشمی رتن شکلا کے تجربے کی کمی بھی کھل رہی ہے۔ گوسوامی اننگز کا آغاز کرتے ہوئے اچھی اننگز کو بڑے اسکور میں تبدیل کرنے میں ناکام رہے ہیں جبکہ تیواری کو چھوڑ کر دیگر بلے باز ناکام رہے۔ سال 2003-04 میں آخری بار دیودھر ٹرافی کا خطاب جیتنے والی مشرقی زون کی ٹیم کل کے میچ کیلئے تجربہ کار جگی اور پریتم داس کو حتمی الیون میں جگہ دے سکتی ہے۔مشرقی زون کی تیز گیند بازی حملہ کی قیادت اشوک ڈنڈا اور ویر پرتاپ سنگھ کریں گے۔ درمیانے تیز گیند باز وپلو سامتریک بھی اہم کردار ادا کر سکتے ہیں۔ا سپن محکمہ میں دارومدار شاہ باز ندیم لاہڑی کے کندھوں پر ہوگا۔ دوسری طرف جنوبی زون کے خلاف مغربی زون کا تیز گیند بازی حملہ کافی کمزور لگ رہا تھا۔ شاردل ٹھاکر کی رفتار میں کمی دیکھی گئی جو فکر کی بات ہے۔ پٹیل نے حالانکہ سستی گیند بازی کی تھی۔ کل کے میچ میں ٹاس جیتنے والی ٹیم ایک بار پھر مخالف کو پہلے بلے بازی کرنے کیلئے مدعو کر سکتی ہے جس سے کہ شام کوا وس کا فائدہ اٹھایا جا سکے۔