نئی دہلی (بھاشا) خوردنی مانگ بڑھنے سے دہلی تیل بازار میں آج مونگ پھلی اور سرسوں کے تیل کی قیمتوں میں ۵۰روپئے کوئنٹل کی تیزی درج کی گئی۔ بازار ذرائع کے مطابق مونگ پھلی مل ڈلیوری تیل گجرات اور سرسوں ایکسپلر تیل دادری کی قیمت ۵۰روپئے کی تیزی کے ساتھ بالترتیب ۷۳۰۰روپئے اور ۷۰۰۰روپئے کوئنٹل بند ہوئی۔ وہیں دہلی کرانہ بازارمیں آج الائچی کی قیمت میں دس روپئے کلوکی تیزی درج کی گئی۔ محدود کاروبار کے دوران معمولی خریداری کے سبب دیگر مسالوں کی قمیتیں معمولی اتار چڑھاؤ کے بعد پہلے کی سطح پر بند ہوئیں۔ بازار ذرائع کے مطابق محدود فراہمی کے درمیان اسٹاکسٹوں اور خردہ کاروباریوں کی تازہ خریداری کے سبب تھوک بازار میں الائچی کی قیمتوں میں تیزی آئی۔ الائچی چتی دار ، روبن ،بولڈ اور ایکسٹرا بولڈ کی قیمت دس روپئے کی تیزی کے ساتھ بالترتیب ۶۳۰سے ۶۹۰روپئے ، ۶۴۰سے ۶۵۰روپئے ، ۶۶۰سے ۶۸۰روپئے اور ۸۵۰سے ۸۸۰روپئے کلو بند ہوئی۔
