ممبئی: بالی ووڈ کے دبنگ ہیرو سلمان خان کی دھماکے دار واپسی۔ سلمان اور جیکولین فرنانڈس کی ایکشن فلم ”کک” کیلئے خود دبنگ خان کی آواز میں ریکارڈ شدہ رومانٹک گانے ”ہینگ آور” کی پہلی جھلک سامنے آ گئی ہے کمار اور شبیر احمد کے تحریر کردہ ہینگ آور کے بولوں پر مبنی اس گانے کو خود دبنگ سلمان خان اور معروف پلے بیک سنگر شریا گھوشال کی آواز میں ریکارڈ کیا گیا ہے جس کی ویڈیو میں سلمان خان اپنی ہیروئن جیکولین کے ساتھ ڈانس کرتے نظر آ رہے ہیں جسے احمد خان نے کوریو گراف کیا ہے 2009ء میں تیلگو فلم کک کی ریمیک فلمساز و ہدایتکار ساجد نڈیاوالا کی اس فلم میں سلمان اور جیکولین کے ساتھ رندیپ ہوڈا اور نواز الدین صدیقی اہم کردار ادا کر رہے ہیں جبکہ متھن چکرورتی بحیثیت مہمان اداکار کاسٹ کا حصہ بنے ہیں یہ فلم رواں سال پچیس جولائی کو سینما گھروں کی زینت بنے گی۔
