دوا کمپنی کے افسر کے گھر لاکھوںکی چوری

لکھنو : عالم باغ علاقہ میں رہنے والے ایک دوا کمپنی کے ایریا بزنس منیجر کے گھر کا تالا توڑ کر ہزار روپئے اور زیورات چوری ہو گئے۔ وہیںملیح آباد علاقے میں دو گھروں سے نقد رقم ، زیورات اور دیگر سامان چوری ہو گیا۔
عالم باغ کے کیلاش پوری میں رہنے والے انوپم شریواستوایک دوا کمپنی میں ایریا بزنس منیجر ہیں۔ ان کی بیوی رام منوہر لوہیا اسپتال میں اسٹاف نرس ہیں۔ انوپم گذشتہ ۶دسمبر کو ایک انٹرویو کےلئے میرٹھ گئے تھے جبکہ ان کی بیوی کی ڈیوٹی رات میں اسپتال میں لگی تھی۔اتوار کی صبح جب انوپم میرٹھ سے گھر پہنچے تو دیکھا کہ گھر کے دروازہ پر لگا تالا ٹوٹا ہے۔ اندر جا کر دیکھا تو ساراسامان بکھرا پڑاتھا۔ چور گھر سے ہزاروں روپئے نقد اور زیورات چوری کر لے گئے۔ اس معاملہ میں انوپم نے عالم باغ کوتوالی میں چوری کی رپورٹ درج کرائی ہے۔
وہیں ملیح آباد کے شیر نگر کا رہنے والا سورج بلی اینٹ بھٹے پر مزدوری کرتا ہے اتوار کو اس کی بیوی سمدا گاو¿ں ایک رشتہ دار کے گھر گئیں ہوئی تھی دیر رات چور گڈو کے گھر کی دیوار پھاند کرسورج بلی کے گھر میں داخل ہوئے اور اس کے گھر کا تالا توڑ کر گھر میں رکھے ۲۰ہزار روپئے کے پیتل کے برتن اٹھا لے گئے اس کے بعد چورپڑوس میںر ہنے والی بیوہ دیوکن کے گھر میں داخل ہوئے اور وہاں سے بکسا اٹھا لے گئے بکسے میں کپڑے، زیوراوردوہزار روپئے نقد تھے۔