دوسری شادی نہیں کریں گی کرشمہ

ممبئی: بالی ووڈ اداکارہ کرینہ کپور کا کہنا ہے کہ ان کی بڑی بہن کرشمہ طلاق کے بعد بہت مشکل زندگی گزار رہی ہیں وہ کبھی بھی دوسری شادی نہیں کریں گی۔بھارتی میڈیا رپورٹس کے مطابق بالی ووڈ میں بے بو کے نام سے مشہور اداکارہ کا اپنے ایک انٹر ویو میں کہنا تھا کہ طلاق کے بعد ان کی بہن کرشمہ کپور اس وقت انتہائی مشکل وقت گزار رہی ہے اور ایسے وقت میں ان کی دوسری شادی کی افواہیں پھیلا کر اسے مزید تکلیف دی جارہی ہے۔
انکا کہنا تھا کہ کرشمہ کپورکبھی بھی دوسری شادی نہیں کریں گی، لڑائی جھگڑے والی زندگی سے اکیلے رہنا بہتر ہوتا ہے۔واضح رہے کہ میڈیا پر اس قسم کی خبریں زیر گردش ہیں کہ کرشمہ کپور نے اپنے پہلے شوہر سنجے کپور سے طلاق کے ب
عد ایک نامور فارما سوٹیکل کمپنی کے چیف ایگزیکٹو آفیسر سندیپ توشنی وال سے شادی کا فیصلہ کیا ہے۔ کرشمہ کپور اور سنجے کپور کی شادی 2003 میں ہوئی تھی اور دونوں کے درمیان اختلافات کے بعد 2 ماہ قبل ہی طلاق ہوئی ہے۔اداکارہ کرینہ کپور نے کہا ہے کہ ایسا کام نہیں کرنا چاہتی جس میں انفرادیت نہ ہو اسی لیے ہدایت کار فلمساز زویا اختر کی فلم ’’دل دھڑکنے دو‘‘ میں کام کرنے سے انکار کر دیا۔ایک انٹرویو کے دوران کرینہ کپور سے زویا اختر کی فلم میں کام سے انکار کے حوالے سے پوچھا گیا تو اداکارہ نے کہا کہ پچھلے پانچ ماہ میں، میں نے چھ فلموں میں کام سے انکار کیا کیونکہ میں کچھ ایسا کام نہیں کرنا چاہتی جس میں انفرادیت نہ ہو اور مجھے خوشی ہے کہ میں ان فلموں کا حصہ نہیں ہوں گی۔اس کے بدلے میں فارغ وقت آرام سے گھر میں آرام کرتے ہوئے کتابیں پڑھ کر گزاروں گی۔کرینہ نے کہا کہ لوگ جو کہتے ہیں ان کو کہنے دو مجھے ان کی کوئی پرواہ نہیں جیسے کہ میرے شوہر سیف کہتے ہیں کہ جو تم نہیں کرنا چاہتی وہ نہ کرو اوربے فکر ہو جاؤ۔ اداکارہ نے کہا کہ بالی ووڈ میں 15 سال گزارنے کے بعد مجھے یہ حق حاصل ہو گیا ہے کہ میں اپنی مرضی کروں اور مجھے یقین ہے کہ میرے فیصلے درست ہیںبالی ووڈ اداکارہ کرینہ کپور اپنی نئی فلم ’’سنگھم ریٹرنز ‘‘میں رکشہ چلاتی نظر آئیں گیں۔بھارتی میڈیا کو دیے گئے اپنے ایک انٹرویو میں بیبو کا کہنا تھا کہ انھیں فلموں میں ایکشن سین ناپسند ہیں اور وہ اس قسم کے مناظر عکس بند کرانے سے اجتناب برتتی ہیں لیکن ہدایتکار روہت سیٹھی کی بات کچھ مختلف ہے، ان کی فلموں میں کام کرنے والے فنکاروں کی حفاظت کے لیے تمام تر انتظامات کیے جاتے ہیں اور اسی لیے وہ ان کے ساتھ کئی فلموں میں کام کرچکی ہیں۔جس کے با عث شائقین انھیں نئی فلم ’’سنگھم ریٹرنز ‘‘ میں رکشہ چلاتے ہوئے دیکھیں گے۔
واضح رہے کہ فلم سنگھم ریٹرنز میں کرینہ کپور کے مد مقابل ہیرو کا کردار اجے دیو گن ادا کررہے ہیں اور یہ فلم رواں برس ہی سینما گھروں کی زینت بنے گی۔