بلند شہر۔ (وارتا)۔ اترپردیش کے بلند شہر میں آج پولیس نے لوٹا ہوا ٹریکٹر برآمد کر کے دو لوگوں کو گرفتار کر لیا۔ ایس ایس پی امیش کمار سنگھ نے بتایا کہ تھانہ سلیم پور کے رہنے والے جتیندر کمار نے پولیس میں دس فروری کو رپورٹ درج کرائی تھی کہ جس وقت وہ گنا کانٹے پر ڈال کر لوٹ رہا تھا تو ایک موٹر سائیکل پر چار بدمعاشوں نے اس کا سوراج ٹریکٹر رکواکر پستول کی نوک پر لوٹ لیا۔ پولیس کو معلوم ہوا کہ خورجہ کے راستے بدمعاش ٹریکٹر کو فروخت کرنے کیلئے جہانگیر پور کیلئے جا رہے ہیں۔ پولیس نے جال بچھا دیا۔ ٹریکٹر آنے پر اس کو پولیس نے رکنے کا اشارہ کیا تو دو بدمعاش جو اس وقت ٹریکٹر پر بیٹھے تھے، ٹریکٹر چھوڑ کر کھیتوں میں فرار ہو نے کی کوشش کی ۔ پولیس نے دونوں بدمعاشوںکو گرفتارکر لیا۔
دھرمیندر ولد کنچھی سنگھ اور وید پرکاش ولد روی شنکر کو گرفتار کر لیا۔ ان کے پاس سے ایک پستول اور کار توس برآمد ہوا۔ پولیس ان کے ساتھیوں کو تلاش کررہی ہے۔
