دو نوجوانوں کا گولی مارکر قتل ۔ نہر کے کنارے ملی لاشیں

جونپور: اترپردیش میں جونپور کے چندرک علاقہ میں کل رات بدمعاشوں نے دو نوجوانوں کو گولی مارکر قتل کردیا۔پولیس سپرنٹنڈنٹ آر پی سنگھ نے یہاں بتایا ہے کہ گودھرا گاؤں میں گومتی ندی کے کنارے کل رات بدمعاشوں نے دونوجوانوں کو قتل کردیا جن کی لاشیں صبح کو نہر کے کنارے سے پڑی ملیں۔ مرنے والوں کی عمر یں20 سے 22 سال کے درمیان ہیں ان کی شناخت نہیں ہوپائی۔لاشوں کو پوسٹ مارٹم کے لئے بھیج دیاگیا ہے ۔ پولیس معاملہ کی چھان بین کر رہی ہے ۔