لکھنؤ(نامہ نگار)گوسائیں گنج علاقہ میں ایک کسان کے گھر سے دھان کی بوری چرا کر لے جاتے ہوئے چور کو کسان اور گاؤں والوں نے پکڑ لیا۔ لوگوںنے چور کو ماراپیٹا اور پولیس کے حوالے کر دیا۔ گوسائیں گنج کے دکھن وارا گاؤں کے رہنے والے کسان دھرم راج ساہو کے گھر بدھ کو چار بجے ایک چور گھس گیا اور مکان میں رکھی ایک دھان کی بوری کو لے کر بھاگنے لگا۔ اسی درمیان کسان کی نظر اس پر پڑ گئی اور اس نے شور مچا دیا۔ شور کی آواز پر پڑوس کے لوگ جمع ہو گئے اور چور کو پکڑ لیا۔ چور کی پٹائی کرنے کے بعد لوگوں نے گوسائیں گنج پولیس کے حوالے کر دیا۔ تفتیش کے دوران چور نے اپنا نام جوکھنڈی کا رہنے والا سشیل
راوت بتایا۔
