دھنتیرس کے موقع پر بازاروں میں خریداروں کی دھوم رہی

جے پور:راجستھان میں دھنتیرس کے موقع پر بازاروں میں خریداری کی دھوم رہی اور لوگوں نے چاندی اور پیتل وغیرہ کے برتنوں کے ساتھ دو پہیا اورچار پھیا کی گاڑیاں خوب خریدیں۔
دھنتیرس کے دن خریداری کے لیے نیک شگون ماننے کی وجہ سے لوگوں نے آج کچھ نہ کچھ خریدنا اچھا سمجھا جس سے ہر دکان پر گاہکوں کی بھیڑ لگی رہی۔ برتنوں کی دکانوں پر سب سے زیادہ بھیڑ رہی اور چاندی کے سکے اور زیورات بھی خوب خریدے گئے ۔ سونے چاندی کے زیورات فروخت کرنے والوں نے دکانوں کو خوب سجا رکھا تھا اور چھوٹ اور انعام سے گاہکوں کو راغب کیا۔
اگرچہ سونے ۔چاندي کے کاروبار میں گراوٹ کافی وقت سے چل رہی ہے اور مارکیٹ میں مایوسی کا ماحول دکھائی دے رہا ہے لیکن دیوالی پر کچھ کمائی کی امید ہونے سے مارکیٹ میں سجاوٹ میں کوئی کسر نہیں چھوڑی گئی۔ صارفین کی رہنمائی کے لئے تجارتی انجمنوں نے لاؤڈ اسپیکر پر دکانوں کے بارے میں اطلاعات دینے کے ساتھ ان کی تفریح کا بھی انتظام کیا۔ بازار کی رونق دیکھنے والوں کی بھی بھیڑ لگی رہی۔لبھاونے اشتہارات کی وجہ سے سب کی جیب ڈھیلي ہوئی۔
آٹوموبائل صنعت میں بھی گاہکوں کا اچھا رجحان رہا اور دوپھیا اور چارپھیا گاڑی بھی خوب خریدے گئے ۔ گاہکوں کو آمادہ کرنے کے لئے زیرو شرح سود پر قرض دینے کی اسکیم کامیاب رہی۔
دھنتیرس کے دن صحت، طویل عمر کیلئے بھگوان دھن ونتري کی پوجا کی گئی۔