دہلی سے چوری کی گئی ماروتی وین پی جی آئی میں برآمد

ایک گاڑی چور کو پولیس نے کیا گرفتار ، دوسرا فرار
لکھنو¿:دہلی سے ماروتی وین چوری کرکے بارہ بنکی لے جارہے ایک گاڑی چور کو گزشتہ پی جی آئی پولیس نے پکڑ لیا ۔ موقع سے پکڑے گئے ملزم کا ایک ساتھی بھاگنے میں کامیاب رہا ۔
ایس او پی جی آئی ونود یادو نے بتایاکہ گزشتہ شب پولیس کو اس بات کی اطلاع مخبر سے ملی سیکٹر ۱۰ بی ورندا ون اسکیم تیلی باغ پارک میں ایک ماروتی وین میں دو گاڑی چور موجود ہیں ۔ اس اطلاع پر پی جی آئی پولیس موقع پر پہنچی ۔ پولیس کو دیکھتے ہی وین میں سوار ایک نوجوان بھاگ نکلا جب کہ دوسرے کو پولیس نے گھیر کر پکڑ لیا ۔ پولیس نے جب اس سے وین کے کاغذات مانگے وہ ایک بھی پیپر نہیں دکھاسکے ۔ سختی سے پوچھ گچھ میں اس نے بتایاکہ اپنے بھاگے ہوئے ساتھی کے ساتھ مل کر وین کو دہلی سے مدن گری علاق سے چوری کیا تھا اور وین کو بارہ بنکی لے جارہاتھا ۔ پکڑے گئے گاڑی چور نے اپنا نام امیٹھی کا رہنے وا لا سنجے کمار اور فرار ساتھی کا نام بارہ بنکی باشندہ کلیم بتایا۔