بڈوان :مدھیہ پردیش میں ضلع بڈوان کے سیندھوا کے مضافات میں آج صبح 17 دیسی پستولوں کی اسمگلنگ کے الزام میں ایک شخص کو گرفتار کیاگیا۔ پولیس سپرنٹنڈنٹ تلک سنگھ نے بتایا کہ ورلا تھانہ علاقہ کے انیش کو 17 دیسی پستول اور دو میگزین کے ساتھ گرفتار کیا گیا۔ اس کے دو دیگر ساتھی فرار ہونے میں کامیاب رہے ۔
سیندھوا دیہی تھانہ پولیس نے گشت کے دوران ورلا راستے پر ایک پل کے نیچے انیش اور بھیلو کو مشکوک حالت میں دیکھا تھا۔ وہ پل کے نیچے کسی کا انتظار کر رہے تھے اور ہتھیار حوالے کرنے کے پہلے ہی پولیس کی کارروائی شروع ہوگئی اور انیش کو گرفتار کرلیا گیا۔ جبکہ اس کے دوسرے ساتھی فرار ہوگئے ۔
