د ست د رازی کے الزام میں فوج کے دو جوان گرفتار

کٹیہار، 15 دسمبر (یو این آئی) بہار میں شمال مشرقی بارڈر ریلوے کی کٹیہار ریلوے پولیس نے ٹرین میں ایک عورت کے ساتھ دست درازی کرنے کے الزام میں کل رات فوج کے دو جوانوں کو گرفتار کرلیا۔
گورنمنٹ ریلوے پولیس کے ذرائع نے آج یہاں بتایاکہ گوہاٹی سے بیکانیر جا رہی ہفتہ وار ٹرین گوہاٹی۔بیکانیر ایکسپریس ٹرین کے ایک ڈبے میں سوار خاتون کے ساتھ شراب کے نشے میں دھت فوج کے دو جوانوں نے کشن گنج کے مانگورجان اسٹیشن پر چھیڑخانی کی۔ خاتون نے اس سلسلے میں کٹیہار ریلوے پولیس کو اطلاع دی تھی۔
ذرائع نے بتایاکہ ٹرین کے اسٹیشن پر پہنچتے ہی فوج کے دونوں جوانوں کو گرفتار کرلیا گیا۔ گرفتار جوانوں میں فیروز خان اور بھنور سنگھ شامل ہے۔ یہ لوگ جودھپور جا رہے تھے۔ متاثرہ کی طبی جانچ کے بعد دونوں جوانوں کو جیل بھیجنے کی کارروائی کی جا رہی ہے۔