د ون ایکسپریس سے 165 کچھوے برآمد۔ چار خواتین گرفتار

لکھنؤ، یکم دسمبر (یو این آئی) اترپردیس میں لکھنؤ کے چار باغ ریلوے اسٹیشن پر ریلوے پولیس نے دون ایکسپریس سے چار خواتین کو گرفتار کرکے ان کے قبضہ سے 165 کچھوے برآمد کرلئے۔
ریلوے پولیس کے ترجمان نے آج یہاں بتایا ہے کہ امیٹھی کے پیپرپور علاقہ کی رہنے والی 4 خواتین گیتا کنجر، منی ، کسما اور مسز منیا کنجڑکے قبضے سے کل 165 کچھوے برآمد کئے۔ یہ خواتین کچھووں کو چھپاکر کہیں لے جانے کے فراق میں تھیں۔
اس ضمن میں جنگلی حیات تحفظ قانون کے تحت معاملہ درج کرکے ملزم خواتین کو جیل بھیج دیا گیا ہے۔ پکڑے گئے کچھووں کو محکمہ جنگلات کے افسران کو سونپ دیا گیا ہے۔