ممبئی۔ہندوستان میں ہونے والے ایک حالیہ جائزے میں اداکارہ دپیکا پاڈوکون کو بالی ووڈ کی سب سے مقبول اداکارہ قرار دیا گیا ہے۔ کٹرینہ کیف اور کرینہ کپور اس کے بعد ہیں۔پاڈوکون کے ملک بھر میں بے شمار مداح پائے گئے ہیں۔ ہندوستانی میڈیا کے مطابق یہ سالانہ سروے آن لائن کیا گیا ہے جس میں سیاست ، کھیل اوراینٹرٹینمنٹ کے شعبوں کو چنا گیا۔ اس میں جہاں تک بالی ووڈ کی ہیروئنوں کا تعلق ہے تو دپیکا پڈوکون کو پہلا نمبر ملا ہے ، جب کہ اس کے بعد کٹرینہ کیف اور کرینہ کپوربالترتیب دوسرے اور تیسرے نمبر پر آئی ہیں۔سوناکشی سنہا چوتھے اور پریانکا چوپڑہ کو پانچویں ہر دلعزیز اداکارہ قرار دیا گیا ہے۔ پاڈوکون اس اعتبار سے خوش قسمت رہی ہے کہ دوہزار سات میں اپنی پہلی فلم اوم شانتی اوم سے ہی اس کو زبردست پذیرای ملی تھی اور پہلی ہی فلم سے چار ایوارڈ حاصل کر لئے تھے۔جب کہ اسی فلم کے ہئے بہترین اداکارہ کے ایوارڈ کے لئے نامزد بھی کی گئی تھی۔ اس کے بعد بھی اس نے اپنے آٹھ سالہ کیریئر میں کئی ہٹ فلمیں دے کر کئی ایوارڈ بھی جیتے ہیں۔ اسی طرح اپنے ساتھی فنکاروں کی نسبت اس کے ٹویٹر اور فیس بک پر فالورز کی تعداد بھی بالی وڈ میں سب سے زیادہ یعنی ڈیڑھ کروڑ ہے۔
