د پیکا کی کامیابی میں میرا کوئی کردار نہیں : شاہ رخ

ممبئی: بالی ووڈ سپر اسٹار شاہ رخ خان کا کہنا ہے کہ اداکارہ  نے اپنی کارکردگی سے فلم انڈسٹری میں کامیابی کی راہیں ہموار کیں اور وہ شروع سے ہی ایک منجھی ہوئی اداکارہ ہے۔بھارتی میڈیا رپورٹس کے مطابق شاہ رخ خان کا کہنا تھا کہ دپیکا نے میرے ساتھ ہدایت کارہ فرخ خان کی فلم’’اوم شانتی اوم‘‘ سے اپنے کیرئیر کا آغاز کیا اور اب 7 سال بعد ہم ایک بار پھر کام کر رہے ہیں، ایک دوست ہونے کی حیثیت سے انہیں ہر بار یہی مشورہ دیا کہ ہمیشہ اس فلم میں کام کرو جس میں تم خود کو آرام دہ محسوس کرو۔ دپیکا کی فلموں کے حوالے سے چناؤ ہمیشہ ہی بہت زبردست رہا ہے چاہے وہ ’’کاک ٹیل‘‘ ہو یا پھر ’’فائنڈنگ فینی‘‘۔شاہ رخ خان نے کہا کہ جب میں نے فلم انڈسٹری میں قدم رکھا تو پہلی فلم ’’دیوانہ‘‘ میں میرے ساتھ رشی کپور اور امریش پوری جیسے بڑے اداکار تھے لیکن میں نے اپنی محنت سے نام کمایا بالکل اسی طرح دپیکا نے فلم انڈسٹری میں اپنی کارکردگی سے خود کو منوایا اور کامیابی کی راہیں ہموار کیں۔ انہوں نے کہا کہ دپیکا کی کامیابی میں میرا کوئی کردار نہیں، کوئی کسی بھی دوسرے شخص کی کارکردگی کا کریڈٹ خود نہیں لے سکتا۔ بالی ووڈ کی صف اول کی اداکارہ دپیکا پڈوکون بالآخر اپنے والد کو بھی اداکاری کے میدان میں لے آئیں ہیں۔بھارتی اداکارہ نے اپنے والد اسپورٹس لیجنڈ پرکاش پڈوکون کے ساتھ بھارت کے ایک نجی بینک کی ایک پرنٹ ایڈ میں اداکاری کرتی دکھائی دی ہیں اور یہ کمرشل ایڈ جلد ہی بھارتی میڈیا پر جاری کیا جائے گا۔بھارت کے پہلے بیڈمنٹن اسٹار پرکاش پڈوکون خود بھی خوش الحان ہیں اور ذرائع کے مطابق ایڈ کی شوٹنگ کے دوران پرکاش کیمرے کے سامنے بہت شرمیلے سے نظر آئے جس پر ان کی بیٹی دپیکا پڈوکون ان کی ہمت بندھاتے نظر آئیں۔ ایک اور ذرائع نے بتایا کہ ان کے والد کو باندرا میں رجسٹرار آفس دیکھا گیا جہاں پر ان کو دپیکا کے گھر کی کچھ رجسٹریشن معاملات کو مکمل کروانا تھا تو اس دوران وہ باہر قطار میں اپنی باری کا بڑے صبر سے انتظار کرتے رہے۔