’’رئیس ‘‘کی عکس بندی نے ماہرہ خان کی نیندیں اڑا د یں

ممبئی۔ پاکستانی اداکارہ مائرہ خان جو آج ان دنوں بالی ووڈ کی فلم ’’رئیس‘‘ کی شوٹنگ کے سلسلے میں ہندوستان میں موجود ہیں، اور اس فلم کے لیے بے پناہ محنت بھی کررہی ہیں۔اس حوالے سے سماجی رابطے کی ویب سائٹ ٹوئٹر پر اپنے ایک پیغام میں ان کا کہنا ہے کہ فلم کی شوٹنگ میں اس قدر مصروف ہوں کہ سونے کا ٹائم بھی نہیں مل رہا۔بالی ووڈ کی نئی آنے والی فلم رئیس مائرہ خان کے لیے انتہائی اہمیت کی حا
مل ہے، صرف اس لیے نہیں کہ یہ ان کی بالی ووڈ کی پہلی فلم ہے بلکہ اس لیے کہ مذکورہ فلم میں ہندوستانی فلم انڈسٹری کے بہت بڑے نام بھی اس فلم کی کاسٹ میں شامل ہیں،جس میں شاہ رخ خان کانام سر فہرست ہے۔بالی ووڈ کے کنگ شاہ رخ خان نے چند روز قبل ایک ایک انٹرویو میں مائرہ خان کی تعریف کرتے ہوئے کہا تھا کہ پاکستانی اداکارہ مائرہ خان ایک باصلاحیت اور سلجھی ہوئی اداکارہ ہیں،اور مجھے خوشی ہے کہ ان کے ساتھ کام کرنے کا موقع ملا۔واضح رہے کہ بالی ووڈ کی فلم رئیس آئندہ سال ریلیز کیے جانے کا امکان ہے۔