ہندی فلموں سے اپنے کیریئر کا آغاز کرنے کی خواہش پوری نہ ہونے کے بعد سائوتھ کی فلموں سے فلمی کیریئر کا آغاز کرنے والی مدالسا ہندی فلموں کے لئے راج شری کی نئی کھوج بن رہی ہیں ۔ کیونکہ وہ بالی وڈ میں اپنا فلمی سفر راج شری پروڈکشن کی فلم ’سمراٹ اینڈ کمپنی ‘ سے شروع کرنے جا رہی ہیں ۔ اس سے پہلے مدالسا نے تامل ، تیلگو اور ک
نڑ کے ساتھ ساتھ پنجابی فلموں میں بھی کام کیا ہے ۔ سمراٹ اینڈ کمپنی میں ان کے ساتھ راجیو کھنڈیلوال ہیں ۔
جبکہ اس کی پروڈیوسر ہیں کویتا بڑجاتیا جو اب تک ٹی وی سیریلوں میں مصروف تھیں ۔ کویتا بڑجاتیا راج شری کی تیسری نسل ہیں ۔ تو دوسری طرف مدالسا کی ماں آشاشرما پہلی بار راج شری بینر کی ہی فلم ’ندیا کے پار ‘ میں آئی تھیں ۔ مدالسا اس فلم کو لے کر کافی خوش نظر آ رہی ہیں ۔
ان کا خیال ہے کہ یہ ایک اچھی فلم ثابت ہوگی اور اس کی کامیابی سے انہیں ضرور فائدہ پہنچے گا ۔ اگرچہ مدالسا سائوتھ کی فلموں سے ناطہ توڑنا نہیں چاہتی ۔ وہ دونوں جگہوں پر بنیرہنا چاہتی ہیں ۔ ان کا کہنا ہے کہ راج شری پروڈکشن سے جڑنا ہی اپنے آپ میں ایک بڑا کارنامہ ہے ۔
سمراٹ اینڈ کمپنی ایک جاسوسی فلم ہے جسے کوشک گھٹک نے ڈائریکٹ کیا ہے ۔
