حالانکہ بالی وڈ میں رشتوں اور تعلقات کا کوئی معنی نہیں ہوتا وہاں تو صرف گلیمر کام اور پیسہ چلتا ہے۔ لیکن کبھی کبھی ان سب باتوں کو درکنار کرتے ہوئے کسی ڈائریکٹر پروڈیوسر کے لئے کوئی فنکار اتنا اہم ہو جاتا ہے کہ اس کی موجودگی ڈائریکٹر پروڈیوسر یا اس کے بینر تلے بننے والی تقریباً تمام فلموں میں دیکھی جاتی ہے۔ یہی معاملہ آلوک ناتھ اور راج شری پروڈکشن کے درمیان بھی رہا۔ دو ہزار تین میں منظرعام پر آئی راج شری پروڈکشن کی فلم ’میں پریم کی دیوانی ہوں‘کو چھوڑ دیں تو انیس سو نواسی میں، میں نے پیار کیا، انیس سو چورانوے میں ہم آپ کے ہیں کون، انیس سو ننانوے میں ہم ساتھ ساتھ ہیں اور دو ہزار چھ میں ’وواہ‘فلموں میں آلوکناتھ ہیرو یا ہیروئین کے باپ کے رول میں ہیں۔ آلوک ناتھ اور راج شری بینر کے درمیان ایک اٹوٹ سا رشتہ قائم رہا ہے۔ لیکن اب یہ رشتہ ٹوٹتا ہوا نظر آنے لگا ہے۔ کیونکہ راج شری بینر تلے بننے والی اگلی فلم بڑے بھیا میں آلوک ناتھ کو نہیں لیا گیا ہے۔ ان کی جگہ انوپم ک
ھیر نے لی ہے۔ اس فلم میں راج شری پروڈکشن دوسرے پسندیدہ ہیرو سلمان خان نے ڈبل رول کیا ہے۔ اگرچہ آلوک ناتھ اور انوپم کھیر راج شری پروڈکشن کی فلم ’ہم آپ کے ہیں کون‘اور وواہ میں ایک ساتھ کام کر چکے ہیں۔ لیکن انوپم کھیر اس فلم میں ظاہر ہے آلوک ناتھ کی جگہ لے رہے ہیں تو وہ کسی نہ کسی ہیرو یا ہیروئین کے باپ بنیں گے جیسا کہ آلوک ناتھ کرتے آئے ہیں لیکن ایسا ہر گز نہیں ہے۔ انوپم کھیر اس فلم میں ہیرو یا ہیروئین کے باپ نہیں بنے ہیں بلکہ ان کے کردار کو دیکھتے ہوئے وہ رول کافی اہمیت کا حامل ہے۔ انوپم کھیر سات سال بعد راج شری کی فلم میں نظر آئیں گے۔
