رانی مکھرجی ماں بن گئیں

اعلان کے مطابق بچی کا نام ادیرا رکھا گیا ہے جو رانی اور ادیتیا کے ناموں کو ملا کر بنایاگیا ہے
بالی وڈ کی معروف اداکارہ رانی مکھرجی، جن کی شادی گذشتہ سال ادیتیا چوپڑا سے ہوئی تھی، ایک بچی کی ماں بن گئی ہیں۔
یش راج فلم سٹوڈیو نے سماجی رابطے کی سائٹ ٹوئٹر پر ایک پیغام میں اس کا اعلان کیا۔
اعلان کے مطابق بچی کا نام ادیرا رکھا گیا ہے جو رانی اور ادیتیا کے ناموں کو ملا کر بنایاگیا ہے۔
رانی کی دعوت اور پرینکا کا نیا گانا
رانی مکھرجی کی شادی صیغہ راز میں ہے
رانی اور ادیتیا کی شادی گذشتہ سال کے آخر میں ان کے درمیان رشتے کے بارے میں کئی برسوں کی افواہوں کے بعد ہوئی تھی۔
ایوارڈ یافتہ 37 سالہ اداکارہ نے بالی وڈ کی کئی بڑی فلموں میں کام کیا ہے۔
ادیتیا چوپڑا مشہور فلمساز یش چوپڑا کے بیٹے ہیں۔ 43 سالہ ادیتیا نے کئی مشہور فلموں کو پروڈیوس کیا ہے اور ہدایت کاری کی ہے۔
رانی مکھرجی نے جن فلموں میں کام کیا ہے ان میں مشہور فلموں میں ساتھیا، ہم تم، ویر زارا، اور بنٹی اور ببلی شامل ہیں۔
یش راج فلمز کو یش راج چوپڑا نے قائم کیا اور اس سٹوڈیو نے امیتابھ بچن اور شاہ رخ خان جیسےکئی بڑے نام متعارف کرائے ہیں۔