لکھنؤ۔(نامہ نگار)۔ پارلیمانی انتخابات میں کانگریس پارٹی کے سینئر و اہم لیڈران کے ذریعہ پارٹی کے امیدواروں کی حمایت میں عوامی حمایت حاصل کرنے اور انہیں کامیاب بنانے کے مقصد سے کل (یعنی آج) مختلف پارلیمانی حلقوں میں کانگریس امیدواروں کی حمایت میں منعقدہ عوامی جلسوں کو خطاب کریں گے۔ مذکورہ اطلاع دیتے ہوئے ریاستی کانگریس کے ترجمان وریندر مدان نے بتایا کہ آل انڈیا کانگریس کمیٹی کے نائب صدر راہل گاندھی اناؤ و باندہ پارلیمانی حلقوں میں کانگریس امیدواروں کی حمایت میں منعقدہ عوامی جلسوں کو خطاب کریں گے۔ اس کے علاوہ رکن پارلیمنٹ راج ببر فیروز آباد، ہردوئی، سیتاپور و مشرکھ پارلیمانی حلقوں میں کانگریس امیدواروں کی حمایت میں انتخابی جلسوں کوخطاب کرنے کے بعد لکھنؤ پارلیمانی حلقہ میں کانگریس امیدوار کی حمایت میں منعقد
ہونے والے دو عوامی جلسوں کو خطاب کریں گے۔
