رتک روشن کے ساتھ کام کرنے کی تمنا:سوناکشی سنہا

ممبئی ۔ سلمان خان ،اجئے دیوگن اور اکشے کمار جیسے بڑے اداکاروں کے ساتھ کام کرچکی سوناکشی سنہا کی تمنا ریتک روشن کے ساتھ کام کرنے کی ہے۔ گفتگو کرتے ہوئے انہوںنے کہا کہ میں سینئر اداکار وں کے ساتھ ساتھ نوجوانوں کے ساتھ بھی کام کرچکی ہوں لیکن میرا خواب ہے رتک روشن کے ساتھ کام کرنے کا ان کے ساتھ اسکرین پر ایک ہی فریم میں ڈانس کرنا کمال کا تجربہ ہوگا۔ سوناکشی اجے دیوگن کے ساتھ اسی ہفتہ ریلیز ہورہی فلم ایکشن جیکشن میں نظرآئیں گی۔ فلم کے ڈائریکٹر پربھو دیوا ہیں جن کے ساتھ وہ اس سے پہلے رائوڈی راٹھور اور آر راج کما رجیسی فلمیں کرچکی ہیں۔ سوناکشی نے زیادہ تر فلموں میں روایتی ہندوستانی لڑکی کا کردار نبھایا ہے۔ کیا ایک جیسے کردار کرکے وہ اوب نہیں گئی ہیں اس کے جواب میں مناکشی کہتی ہیں کہ میں ایسی فلمیں کرتی ہوںجو زیادہ سے زیادہ ناظرین تک پہنچے ۔ اب یہ اتفاق ہے کہ ان فلموں میں میرے رول ایک ہی جیسے تھے لیکن اب نئے سال پر میرا عہد ہوگا کہ میں الگ الگ قسم کے کردار نبھائوں گذشتہ دنوں سوناکشی سنہا اور ارجن کپور کی مبینہ نزدیکیوں کی خبریں سرخیاں بنتی رہی ہیں اس کے جواب میں سوناکشی کہتی ہیں کہ اب میں ایسی خبروں پر ردعمل بھی نہیں ظاہر کرتی ۔ کسی کے ساتھ ریسٹورنٹ میں جاکر کھانے یا فلم دیکھنے پر لوگ ہنگامہ برپا کردیتے ہیں بہتر ہے کہ ایسی خبروں پر خاموش ہی رہا جائے۔ ایکشن جیکشن کے بعد سوناکشی ارجن کپور کے ساتھ فلم تیور میں نظرآئیں گی۔