رنجش کی وجہ سے نوجواں کا قتل

سیتاپور:اترپردیش میں سیتا پور کے لہر پور علاقے میں کچھ لوگوں نے رنجش کی وجہ سے ایک نوجوان کو لاٹھی ڈنڈوں سے پیٹ پیٹ کر اس کا قتل کردیا۔پولیس کے ذائع نے آج یہاں بتایا کہ لہر پور علاقے میں محولیا چوراہے پر کل شام جمال وغیرہ نے سلطانپور کے باشندہ وقار (35) کو لاٹھی ڈنڈوں سے پیٹ پیٹ کر بری طرح زخمی کردیا۔ زخمی وقار کو اسپتال میں داخل کرایا گیا جہاں اس کی موت ہوگئی۔ذرائع نے بتایا کہ اس سلسلہ میں معاملہ درج کرادیا گیا ہے ۔ پولیس قاتلوں کو تلاش کررہی ہے ۔