روڈویز بس ڈرائیور کی سڑک حادثہ میں موت

شاہجہاں پور:اترپردیش کے شاہجہاں پور ضلع میں کل دیر رات قومی شاہراہ پر ٹرک کی زد میں آجانے سے گونڈہ ڈپو کی بس کے ڈرائیور کی موت ہو گئی۔ پولیس ترجمان نے بتایا کہ کل دیر رات تقریباً ۱۲ بجے بریلی موڑ واقع ٹول ٹیکس پر گونڈہ بس ڈپو کا ڈرائیور جینیندر شکلا حاجت ضروریہ کیلئے اتراہی تھا کہ تبھی پیچھے سے آرہے ایک بے قابو ٹرک نے اسے اپنی زد میں لے لیا۔شدید طورسے زخمی شکلا کو ضلع اسپتال لے جایاگیا جہاں ڈاکٹروں نے اسے مردہ قرار دے دیا۔انہوں نے بتایاکہ بس ڈرائیور جینیندر فوربس گنج گونڈہ کا رہنے والاتھا اس وقت بس میں دوسرا ڈرائیوررام بہادر بھی تھااس سلسلے میں قانونی کارروائی کی جارہی ہے۔