ممبئی:بالی ووڈ کے مشہور فلم ساز روہت شیٹی نے فلم دل والے کے نہ چلنے کی وجہ بتائی ہے ۔روہت شیٹی نے گزشتہ سال شاہ رخ خان ،کاجول،ورون دھون اور کریتی سینن جیسے اداکاروں کو لے کر فلم دل والے بنائی تھی۔دل والے کو باکس آفس پر امید کے مطابق کامیابی نہیں ملی تھی۔روہت اس فلم کی کامیابی کے لئے اپنی سوچ کو ذمہ دار مانتے ہیں۔روہت نے کہا ”دل والے پہلی فلم تھی،
جو میں نے اپنے طریقے سے نہیں بنائی۔وہ پہلی اور آخری فلم ہوگی ،جو میں نے بغیر اپنی سوچ کے بنائی ہے ۔شاہ رخ اورکاجول کی جوڑی کولے کر میرے اوپر پریشر بن گیا تھا کیونکہ دونوں کا رومانوی پہلو ہمیشہ کامیاب رہا ہے ۔پھر کامیڈی کٹتی چلی گئی فلم سے ،اور دو بھائیوں کی کہانی بھی کٹتی چلی گئی،اور رومانس بڑھتا چلا گیا،
تو اصل اسکرپٹ پر ہم شوٹ ہی نہیں کر پائے اور پورا معالہ ہی الگ ہوگیا۔روہت نے غلطی سے سبق لے لیا ہے اور طے کیا ہے کہ وہی فلم بنائیں گے جسے سے وہ مطمئن ہوں۔روہت نے کہا”جس پر اطمینان ہو وہی کام کرنا چاہیے ۔میں اس فلم میں یہ سوچتا رہ گیا کہ شائقین شاہ رخ اور کاجول کو لے کر رومانس ہی دیکھنا چاہیں گے اور میں اپنی یو ایس پی بھولتا چلا گیا ۔اس لئے کامیاب نہیں رہا اور میرا خیال ہے کہ جائزہ لینا ضروری ہے اور میں دفاع نہیں کرسکتا۔اگرپتہ ہوگا کہ کمی کہاں رہی تو آپ آگے بڑھتے ہیں اور پھر ترقی کرتے ہیں۔
