لکھی سرائے :بہار میں لکھی سرائے ضلع میں کل رات زمین تنازعہ پر ہوئی فائرنگ میں ایک بزرگ خاتون کی موت ہو گئی جبکہ ایک شخص زخمی ہو گیا۔پولیس ذرائع نے آج یہاں بتایا کہ اوریّا گا¶ں للن منڈل اور گورے لال مہتو کے درمیان کافی وقت سے زمینی تنازعہ چل رہا تھا۔اسی معاملے پر کل رات ہوئی فائرنگ میں للن منڈل کی خالہ سبجھنا دیوی (60) کی گولی لگنے سے موت جبکہ گورے لال زخمی ہو گیا۔ سبجھنا دیوی جموئی ضلع کے ڈھانڈھ گا¶ں کی رہنے والی تھی۔
ذرائع نے بتایا کہ اس سلسلے میں للن منڈل سمیت سات افراد کے خلاف متعلقہ تھانہ میں مقدمہ درج کرایا گیا ہے ۔ واقعہ کے بعد سے تمام ملزم فرار ہیں جن کی گرفتاری کے لئے چھاپے مارے جا رہے ہیں۔ زخمی شخص کو علاج کے لئے لکھی سرائے صدر اسپتال میں داخل کرایا گیا ہے ۔
