بارہ بنکی(نامہ نگار)کوتوالی پولیس وکرائم برانچ کی مشترکہ ٹیم نے لکھنؤ،امیٹھی اوربارہ بنکی کے پانچ شاطر زنجیر چھیننے والے بدمعاشوںکو گرفتارکرلیا ان کے قبضے سے لوٹے گئے زیورات ، موٹرا سائیکل اورہزاروں روپئے برآمد کئے گئے پولیس کی ٹیم نے سنیچر کی شب آواس وکاس بلاک نمبر ایک کے خالی پلاٹ سے چاروں شاطر بدمعاشوں کوگرفتار کرلیا اے ایس پی ڈاکٹر اوپی سنگھ نے بتایا کہ گرفتارلٹروں میں ستیندرپرشاد نشاد، وشال کھتری ،رام بابا مشرا،ونودپال عرف رنکوپال ،سوم سونی شامل ہے۔ان کے قبضے سے لوٹی گئی دوسونے کی زنجیر یں ،
منگل سوتر، کانوں کے ٹاپس،تین ہزار نقد ایک طمنچہ ،دوچوری کی موٹر سائیکلیں برآمد کی گئی ہیں۔گرفتار ملزمین نے بتایا کہ وہ بارہ بنکی کے علاوہ لکھنؤ کے گومتی نگر غازی پور وکاس نگر ، علی گنج، گوڑمبا،جانکی پورم اورمہانگرمیں تقریباً ۷۰وارداتوںکو انجام دے چکے ہیں ۔اس کے علاوہ کانپور کے یشودہ نگر علاقہ میں زنجیرچھیننے کی واردات کابھی انھوں نے جرم قبول کرلیا ۔
لٹیروں نے بتایا کہ وہ رکشہ یاپیدل جانے والی خاتون سے زنجیریں چھین لیا کرتے ہیں۔
