زیادہ دودھ پینے والے کینسر سے محفوظ رہتے ہیں،طبی ماہرین

ویلنگٹن :طبی ماہرین کے مطابق جو بچے بچپن میں کم دودھ پیتے ہیں ان میں بڑے ہو کر کینسر میں مبتلا ہونے کا خطرہ ہوتاہے۔نیوزی لینڈ کے طبی ماہرین کا کہنا ہے کہ 40 فی صد کم دودھ پینے والے بچوں میں پیٹ کے نچلے حصے کے سرطان کا خطرہ بڑھ جاتا ہے۔ماہرین کے مطابق روزانہ باقاعدگی سے دودھ کا استعمال سرطان کے خطرے کو طویل عرصے تک روکنے میں مددگار ثابت ہوتا ہے،اس میں موجود کیلشیم سرطان کے خلیوں کو مارنے کی صلاحیت رکھتی ہے اوراس سے قوت مدافعت میں اضافہ ہوتا ہے۔