سائنا آسٹریلیائی اوپن کے فائنل میں

  سڈنی۔چوٹی کی ہندوستانی بیڈمنٹن کھلاڑی سائنا نہوال سال کے اپنے دوسرے خطاب سے صرف ایک جیت دور ہیں۔ انہوں نے آج یہاں750,000 ڈالر انعامی رقم کے اسٹار آسٹریلین سپر سیریز کے تین کھیل تک چلے چیلنج مقابلے میں دنیا کی دوسرے نمبر کی اور سب سے اوپر سینئر چینی کھلاڑی وانگ کو شکست دی۔چھٹی ترجیحی سائنا نے ایک گھنٹے 16 منٹ تک چلے میراتھن مقابلے میں 21۔ 19، 16۔ 21، 21۔ 15 سے شکست دی۔   یہ ہندوستانی کھلاڑی نے چینی کھلاڑی کے خلاف اپنی ریکارڈ پانچویں جیت درج کرنے کے بعد ٹویٹ کیا دنیا کی دوسرے نمبر کی کھلاڑی کو تین گیمز تک چلے چیلنج مقابلے میں شکست دی۔ آسٹریلین اوپن سپر سیریز کے فائنل میں پہنچ گئی۔ سائنا نے اس طرح شجیان کے خلاف جیت کا ریکارڈ 5۔ 3 کر لیا ہے۔ سائنا اس سے پہلے یہ چینی کھلاڑی سے گزشتہ دو مقابلے ہار گئی تھی، جس میں حالیہ آل انگلینڈ چمپئن شپ شامل ہے۔ لیکن سائنا نے یہ سب سے اوپر سینئر کھلاڑی کو شکست دینے میں شاندار جذبہ دکھایا۔ امید کے مطابق یہ دونوں کھلاڑیوں کے درمیان برابری کا مقابلہ تھا۔ سائنا نے اس سال کے شروع میں دلی میں انڈیا اوپن
گراں پری گولڈ خطاب اپنے نام کیا تھا۔