سات کمپنیوں کے نوڈلس- پاستا کی جانچ کا حکم

نئی دہلی 08 جون (یواین آئی) انڈین فوڈ سیفٹی اینڈ اسٹینڈرڈ اتھارٹی آف انڈیا (ایف ایس ایس اے آئی ) نے نیسلے سمیت سات کمپنیوں کے منظور شدہ نوڈلس، پاستا اور میکروني کی جانچ کے ا حکامات دیے ہیں اور ساتھ ہی غیرمنظورشدہ مصنوعات کو مارکیٹ سے واپس لیے جانے اور انہیں ضائع کرنے کے لیے کہا ہے .اتھارٹی نے تمام
ریاستوں اور مرکز کے زیر انتظام علاقوں کے خوراک کے تحفظ کے کمشنر وں کو جاری ہدایات میں کہا ہے کہ نوڈلس، پاستا اور میکرونی (ٹیسٹ میکر سمیت) کھانے کی معیاری اشیاء نہیں ہیں اور اس لئے یہ فوڈ سیکورٹی اور معیارکے قانون، 2006 کی دفعہ 22 کے تحت آتے ہیں اور ان کی تیاری اور فروخت کے لئے دی گئی منظوری شرائط پر مبنی ہے .اس نے کہا کہ نیسلے کے ‘میگي نوڈلس’ اور دیگر کمپنیوں کے نوڈلس کی حال ہی میں کی گئی جانچ سے پیداہوئی تشویش کے مدنظر ان مصنوعات کے نمونے لے کر لیبارٹری میں ان کی جانچ کرائی جانی چاہیے .اتھارٹی نے جہاں ریگولیٹرکی منظوری لے کر مارکیٹ میں موجود مصنوعات کی لیبارٹری میں جانچ کے احکامات دیے ہیں، وہیں بغیر منظوری کے فروخت ہورہی اشیا کے بارے میں کہا ہے کہ خوراک کے تحفظ کے کمشنر اس بات کو یقینی بنائیں گے کہ ان اشیا کو مارکیٹ سے واپس لیا جائے اور انہیں ضائع کیا جائے ۔ایف ایس ایس اے آئی نے منظوری شدہ جن 32 اشیا کے پیکیٹ کی جانچ کے احکامات دیے ہیں ان میں روچی انٹرنیشنل کے نوڈلس کی ایک قسم، سي جي فوڈ انڈیا کے نوڈلس اور بھوجیا کی تین قسمیں ، گلیکسوسمتھکلن کنزیومر ہیلتھ کیئر کے ‘فوڈلس’ کی 10 قسمیں ، نیسلے انڈیا کی ‘میگي پاستا’ کی چارقسمیں ، اے اے نیوٹرشن کے نوڈلس کی تین قسمیں ، انڈو نسن فوڈ کا ٹاپ رمین آٹا مسالا، آئی ٹی سی لمیٹڈ کے انسٹینٹ نوڈلس کی تین قسمیں اور نیسلے انڈیا کے ‘میگي نوڈلس’ کی نو قسمیں شامل ہیں.