سال کا چوتھا اور آخری گرینڈ سلا م ٹینس ٹورنامنٹ کو کامیاب بنانے کےلئے تیاریاں عروج پر

رافیل نڈال اور سرینا ولیمز مینز اور ویمنز سنگلز میں اپنے اپنے اعزاز کا دفاع کرینگے
نیویارک ۔ 22 اگست (ےو اےن اےن) رواں سال کا چوتھا اور آخری گرینڈ سلام یو ایس اوپن ٹینس ٹورنامنٹ 25 اگست سے امریکہ کے نامور و مشہور شہر نیویارک میں شروع ہوگا جسکے کامیاب انعقاد کے لیے امریکہ میں تیاریاں عروج پر ہیں، میگا ایونٹ میں دنیائے ٹینس کے صفحہ اول کے کھلاڑی ایکشن میں نظر آئینگے۔ تفصیلات کے مطابق سال کے چوتھے اور آخری میگا ایونٹ کے کامیاب انعقاد کے لیے تیاری عروج پر ہیں۔ میگا ایونٹ کے مینز سنگلز میں سپین کے شہرہ آفاق ٹینس سٹار اورکلے کورٹ کے بادشاہ رافیل نڈال اپنے اعزاز کا دفاع کرینگے جبکہ امریکہ کی نامور ٹینس سٹار اور عالمی نمبر ایک سرینا ولیمز ویمنز سنگلز میں اپنے اعزاز کا دفاع کرینگی۔ میگا ایونٹ ہارڈ کورٹ پر کھیلا جائیگا۔ یو ایس اوپن ٹورنامنٹ 25 اگست کو شروع ہوکر 15 روز تک جاری رہ کر 8 ستمبر کو اختتام پذیر ہوگا۔