سبکدوش ملازمین وپنشنرس ایسوسی ایشن نے ریلی نکالی

بارہ بنکی(نامہ نگار)سبکدوش ملازمین وپنشنرس ایسوسی ایشن اور سینئر شہری منچ کے مشترکہ زیر اہتمام لکھپیڑا چوراہا سے ایک ووٹربیداری ریلی نکالی گئی۔ ریلی کی قیادت منچ کے صدر وسابق جج آرسی نگم اور سبکدوش ملازمین وپنشنرس ایسوسی ایشن کے صدر کیشو پرساد اوجھا کررہے تھ
ے۔ ریلی سترکھ ناکہ، دھنوکھر چورہا، بیگم گنج کوتوالی ہوتے ہوئے چیف میڈیکل افسر کے دفترپر پہنچی جہاں پر ایک جلسہ منعقد کیاگیا۔ جلسہ کی صدارت سابق ضلع جج رمیش کمار ترپاٹھی نے کی۔انہوں نے جلسہ میں موجود لوگوں کو ۳۰؍اپریل کو ہونے والے انتخاب میں صد فیصد ووٹ دینے کے لئے حلف دلایا ۔ریلی میں کافی تعداد میں بزرگ شامل تھے جو اپنے ہاتھوں میں ووٹ دینے سے متعلق لکھی ہوئی تختیاں لئے ہوئے تھے۔ریلی میں کثیر تعداد میں خواتین نے بھی حصہ لیا۔جلسہ کے بعدکثیر تعداد میں لوگوں نے میڈیکل ہیلتھ منسٹیرئیل ایسوسی ایشن کے صدر اے کے دیویدی کی قیادت میں سو فٹ لمبے ووٹربیداری بینر پر دستخط کی۔