میامی ۔ دنیا کی نمبر ایک کھلاڑی سرینا ولیمز آسان جیت کے ساتھ میامی ماسٹرس اے ٹی پی ڈبلیو ٹورنامنٹ کے کوارٹر فائنل میں پہنچ گئی جبکہ روس کی چوتھی سیڈ ماریا شاراپووا کو کافی مشقت کرنی پڑی ۔ ٹاپ سیڈ گزشتہ چمپئن سرینا نے امریکی کوالیفائر کوکو وی کو 6-3 ، 6-1 سے شکست دی۔ اب اس کا سامنا جرمنی کی پانچویں ترجیح ایجیلک کیربیر سے ہوگا جس نے روس کی ایکاتیرنا مکارووا کو 6-4 ، 1-6 ، 6-3 سے شکست دی ۔ شاراپووا نے بیلجیم کی کرسٹین فلپک
ینس کو 3-6 ، 6-4 ، 6 – 1 سے شکست دی۔ اب اس کی ٹکر جمہوریہ چیک کی آٹھویں ترجیح پیترا کوتووا سے ہوگی جس نے سربیا کی 12 ویں ترجیح انا ایوانووچ کو 3-6 ، 6-0 ، 6-0 سے شکست دی ۔ مردوں میں دنیا کے نمبر ایک کھلاڑی نڈال اور کینیڈا کے ملوس راونچ اگلے دور میں پہنچ گئے ۔ نڈال نے ازبکستان کے ڈینس استومن کو 6-1 ، 6-0 سے شکست دی جبکہ راونچ نے سپین کے گلریمو گارشیا لوپیز کو 6-1 ، 6-2 سے شکست دی ۔ امریکی اور فرانسیسی اوپن چمپئن نڈال کا سامنا اب اٹلی کے 14 ویں رینکنگ حاصل فیبیو فوگننی سے ہوگا جس نے ا سپین کے رابٹرے بی ایگٹ کو 4-6 ، 6-3 ، 6-3 سے شکست دی ۔ وہیں راونچ کی ٹکر جرمنی کے بینجمن بیکر سے ہوگی ۔
