لندن ۔دنیا کی نمبر ایک کھلاڑی سرینا ولیمس کو ڈبلیو فیملی سرکل کپ ٹینس کے پہلے ہی میچ میں 78 ویں رینکنگ والی یانا سیپیلووا نے براہ راست سیٹوں میں ہرا دیا ۔سلوواکیہ کی 20 سالہ سیپیلووا نے گزشتہ چمپئن سرینا کو 6۔ 4 ، 6۔ 4 سے شکست دی ۔ سترہ بار کی گرینڈ سلیم فاتح سرینا نے 84 منٹ تک چلے مقابلے کے بعد ذہنی طور پر تھکے ہونے کی شکایت کی تھی ۔ اس نے کہا کہ مجھے کچھ ہفتے کا بریک چاہئے ، جس میں میں ٹینس کے بارے میں بالکل نہیں سوچنا چاہتی ۔ سرینا نے چین کی لی نا شکست دے کر گزشتہ ہفتے میامی ماسٹرس کا خطاب جیت لیا تھا ۔ سیپیلووا کا سامنا اب
روس کی ایلینا ویسنینا سے ہوگا ، جس نے سلوواکیہ کی انا شمیلووا کو 6۔ 2 ، 6۔ 2 سے شکست دی۔
