سسرال آئے نوجوان کا کلہاڑی سے قتل

جونپور: اترپردیش میں جونپور کے لائن بازار علاقہ میں کل دیر رات شادی میں آئے ایک نوجوان کو کلہاڑی سے حملہ کرکے قتل کردیا گیا۔پولیس کے ترجمان نے آج یہاں بتایا کہ الہ آباد میں رہنے والا گوتم بھوپت پٹی اپنی سسرال شادی کی تقریب میں شرکت کے لئے آیا تھا۔ کل دیر رات گورو نامی نوجوان نے گوتم کو گلہاڑی مار کر زخمی کردیا۔ گوتم کی بری طرح زخمی حالت میں اسپتال لے جاتے وقت راستے میں موت ہوگئی۔انہوں نے بتایا کہ گوتم کی اہلیہ سے ملزم گورو کے ناجائز تعلقات تھے جس کی وہ مخالفت کرتا تھا۔