سشانت سنگھ کو ہیٹ اسٹوری۔ 3 میں کام نہیں کرپانے پر افسوس

ممبئی : بالی وڈ اداکار سشانت سنگھ کو فلم ‘ہیٹ اسٹوری۔ 3’ میں کام نہیں کرپانے پربہت افسوس ہے ۔ایروٹک۔تھریلر ‘ہیٹ اسٹوری’ کے دوسرے سیکوئل میں اداکار سشانت سنگھ نگیٹو رول میں تھے ۔ جلد ہی اس کی تیسری سیکوئل ‘ہیٹ اسٹوری ۔3’ آنے والی ہے لیکن سشانت اس فلم میں نظر نہیں آئیں گے ۔ سشانت نے کہا کہ انہیں اس بات کا دکھ ہے کہ وہ اس فلم کا حصہ نہیں بن سکے ۔ ‘ہیٹ اسٹوری۔2’ میں سشانت کے کردار کی موت ہو جاتی ہے اور اداکار کا کہنا ہے کہ اگر ان کا کردار زندہ ہوتا توغالباََ وہ اگلی فلم کا حصہ ہو سکتے تھے ۔سشانت سنگھ نے کہا کہ مجھے ‘ ہیٹ اسٹوری۔ 3 ‘میں نہیں ہونے کا افسوس ہے ۔ مجھے دکھ ہے لیکن اگر آپ کا کردار مر جاتا ہے تو اگلے حصہ میں اسے نہیں لایا جا سکتا۔امید ہے کہ چوتھے حصہ میں ایک نئے کردار میں آ جاؤں۔
سشانت نے کہا کہ اس فلم کا موازنہ گزشتہ فلم سے ضرور کیا جائے گا لیکن وہ امید کرتے ہیں کہ نئی فلم زیادہ ہٹ ہو۔ انہوں نے کہا کہ میں اس فلم کی پوری ٹیم کو نیک خواہشات پیش کرتا ہوں۔ ہیٹ اسٹوری کا ایک بڑا اور کامیاب فرنچائز ہے تو موازنہ ہمیشہ ہی ہو گا۔ لیکن جب وشال پنڈیا اسے بنا رہے ہیں، تو مجھے نہیں لگتا کہ کسی بات کی فکر کرنے کی ضرورت ہے ۔ میں چاہتا ہوں کہ فلم زیادہ ہٹ ہو تاکہ اس کا چوتھا حصہ بنے اور میں اس کا حصہ بن سکوں۔خیال رہے کہ وشال پنڈیا کی ہدایت کاری میں بنی ‘ہیٹ اسٹوری۔ 3’میں شرمن جوشی، زرین خان، کرن سنگھ گروور اورڈیجی شاہ اہم کردار میں ہیں .یہ فلم 4دسمبر کو ریلیز ہوسکتی ہے ۔