’سلطان‘ میں سلمان کے ساتھ نظرآئیں گی د پیکا پدوکون

ممبئی: بالی ووڈ کی صف اول کی اداکارہ دیپکا پڈوکون کو نئی فلم ’’سلطان ‘‘ میں سلمان خان کے مقابل ہی
روئن سائن کر لیا گیا ہے۔بتایا جاتا ہے کہ فلمساز علی عباس ظفر نے اپنی نئی آنے والی فلم ’’سلطان ‘‘ کے لیے دیپکا پڈوکون کو کاسٹ کر لیا ہے۔ اس سے پہلے اطلاعات تھیں کہ فلم کی ہیروئن کے لیے پہلے انوشکا شرما اور کترینہ کیف کو بھی پیشکش کی گئی تھی مگر اب یہ فلم دیپکا پڈوکونے کے حصے میں آ گئی ہے۔قبل ازیں دیپکا پڈوکون کو فلم ’’شدھی ‘‘ میں بھی سلمان خان کے مقابل کام کرنے کی پیشکش کی گئی تھی مگر دیپکا نے تاریخ نہ ہونے کے باعث اس فلم میں کام کر نے سے انکار کر دیا تھا۔ مگر اب اطلاعات ہیں کہ وہ اب اس کھیلوں سے متعلق بنائی جانے والی فلم میں بالی ووڈ کے دبنگ کے ساتھ نظر آئیں گی۔سننے میں آیا ہے کہ سلمان خان کو ان کے لیے لکھا گیا جب اس فلم کا اسکرپٹ دکھایا گیا تھا تو انھیں یہ بہت پسند آیا تھا اور انھوں نے فوری طور پر اس فلم کو سائن کر لیا تھا۔ اسپورٹس پر بنائی جانے والی یہ فلم ’’سلطان ‘‘ یش راج فلمز کے بینر تلے بنائی جا رہی ہے اور اسے اگلے برس 2016ء کے وسط میں سینما گھروں کی زینت بنایا جائے گا۔