سلمان اور شاہ رخ کی افطار پارٹی میں شرکت، ایک بار پھرگلے ملے

بالی وڈ شاہ رخ خان بالی وڈ پر راج کرنے والے یہ دوہنوں ستارے کئی سال بعد گذشتہ سال لوک سبھا کے رکن بابا صدیقی کی سالانہ افطار پارٹی میں ایک دوسرے سے گلے لگے تو ہر طرف دونوں کی دوستی کے چرچے ہونے لگے۔اس سال ایک بار پھر وقت کا پہیہ کچھ گھوم سا گیا۔ کیوں کہ سلمان اور شاہ رخ، بابا جی کی افطار پارٹی میں دوبارہ بغل گیر ہوگئے ہیں۔ممبئی کے تاج ہوٹل میں دبنگ خان نے ڈان کے 20 منٹ بعد انٹری دی اور ایم ایل اے بابا صدیقی کے ساتھ مہمانوں سے ملتے ملاتے شاہ رخ خان کی ٹیبل پر بھی آن پہنچے۔ پھر کیا تھا دونوں بڑے فنکار اٹھے اور شکوے بھول کر دل ملا لیے ۔اس موقع پر جب سلمان سے پوچھا گیا کہ کیا آپ دونوں ستاروں کا پھر ملنے کا امکان ہے ؟تو انہوں نے اپنے مخصوص انداز میں جواب دیا یہ سب بابا ہی کراسکتے ہیں۔ یہ معاملہ اس افطار تک ختم نہیں ہوگا۔ان شاءاللہ آپ ہمیں آگے بھی ساتھ دیکھ سکتے ہیں۔اس سے پہلے اسی سال سلمان اور شاہ رخ ایک ایورڈ تقریب میں بھی گرم
جوشی سے ملے تھے۔یعنی ملنے ملانے کا عمل تو جاری ہے ہی ۔ مگر کیا دل بھی ملتے ہیں؟ اس کا جواب ابھی دینا ذرا مشکل ہے۔