بولی وڈ اداکارہ سونم کپور کا کہنا ہے کہ ان کے ساتھی اداکار دبنگ سلمان خان رومانوی کردار کے لیے بہترین ہیں۔
انڈین ایکسپریس کے مطابق سونم کپور کا ایک انٹرویو میں کہنا تھا کہ فلموں میں اگر رومانوی کردار کرنے کی بات آئے تو سلمان خان سب سے بہترین اداکار ہیں۔
سلمان خان نے اپنی فلموں میں ہر طرح کا کردار ادا کیا ہے چاہے ایکشن ہو یا کامیڈی اور اب وہ سونم کپور کے ساتھ فلم ‘پریم رتن دھان پایو’ میں رومانوی کردار میں نظر آئیں گے۔
سونم کپور کے مطابق سلمان خان کے ساتھ اس فلم کو کرنے کی ایک بڑی وجہ یہ بھی ہے کہ وہ اس فلم میں ایک رومانوی کردار ادا کر رہے ہیں۔
سونم کا مزید کہنا تھا کہ انہیں امید ہے یہ فلم باکس آفس پر کامیاب ثابت ہوگی اور لوگ اسے پسند کریں گے۔
خیال رہے کہ سونم کپور نے بولی وڈ میں اپنے کیرئیر کی شروعات فلم ‘سانوریا’ سے کی تھی جس میں ان کے ہمراہ سلمان خان نے اہم کردار ادا کیا تھا۔
فلم ‘پریم رتن دھان پایو’ اس نومبر میں ریلیز کی جائے گی۔
