ممبئی ۔سلمان خان بالی ووڈ کے وہ اسٹار ہیں جو جب کبھی کسی کے سرپر ہاتھ رکھ دیتے ہیں تو وہ راتوں رات مصروف ہو جاتا ہے اس کی کئی ایک مثالیں انڈسٹری میں موجود ہے۔ اب وہ اپنی جئے ہو کو اسٹار ڈیزی شاہ کو پرموٹ کرنے میں لگے ہوئے ہیں۔ انہوں نے اب تک ڈیزی کی کئی فلمسازوں اور ہدایت کاروں سے سفارش کردی ہے اور اب وہ سورج برجاٹیہ سے اپنی اگلی فلم ’’بڑے بھیا‘‘ کے لئے ڈیزی شاہ کو اپنے مقابل کاسٹ کرنے کا مشورہ دے چکے ہیں۔ بتاتے چلیں کہ راجشری فلمس نے اس فلم میں سلمان کے مقابل پہلے دیپیکا پڈوکون کو لیا جانا طے ہو پایا تھا لیکن اب خبریں آرہی ہیں کہ مصروفیات کی وجہ دیپیکا نے اس فلم میں کام کرنے سے معذرت کرلی ہے لیکن دکھائی تو یہ دیتا ہے کہ سلمان خود اپنے مقابل ڈیزی شاہ کو کاسٹ کرنے کی سفارش کرچکے تھے ایسے میں بیچارے سورج برجاٹیہ کو سلمان کے لئے یہ سمجھوتہ کرنا ہی تھا۔ اسٹار سلمان خان کو بالی ووڈ میں کئی اسٹارس اور ٹکنیشنس کے گاڈ فادر ہونے کا اعزاز حاصل ہے اب ایک خاص خبر یہ ہے کہ کافی وقت سے سلمان کے بزنس کا خیال رکھنے والی ان کی بزنس مینجر ریشماں شیٹی کو بھی انہوں نے پروڈیوسر بنا دیا ہے۔ سلمان خان پروڈکشن پر بنائی جارہی ہیرو ری میک میں انہوں نے ریشماں شیٹی کا نام معاون پروڈیوسر کے طور پر دے دیا ہے۔ بتاتے چلیں کہ یہ فلم سلمان خان اور سبھاش گھئی کی جانب سے
بنائی جارہی ہے جس میں سورج پنچولی اور اتھییا شیٹی مرکزی کرداروں میں ہیں۔
