سلمان خان کی نئی فلم نے 200 روپے کی کمائی کی

ممبئی: بالی ووڈ کے دبنگ اسٹار سلمان خان نے اپنی نئی فلم ‘‘پریم رتن دھن پایو’’ کے ساتھ 200 کروڑ کلب میں نیا ریکارڈ بنا دیا ہے ۔ سلمان کی فلم‘‘ پریم رتن دھن پایو’’ دیوالی کے موقع پر 12 نومبر کو ریلیز ہوئی تھی۔ان کی یہ مسلسل تیسری فلم ہے جس نے باکس آفس پر 200 کروڑ روپے سے زیادہ کی کمائی کی ہے ۔ سال 2014 میں سلمان کی فلم‘‘ کک’’ عید کے موقع پر ریلیز ہوئی تھی۔ ساجد ناڈیاڈوالا کی ہدایت میں بننے والی فلم‘‘ کک’’ نے باکس آفس پر 233 کروڑ کی کمائی کی تھی،ا سي سال سلمان کی دو سری فلم ‘‘بجرنگی بھائی جان’’ اور ‘‘پریم رتن دھن پایو’’ ریلیز ہوئی تھی اور دونوں ہی فلموں نے 200 کروڑ روپے سے زیادہ کی کمائی کی ہے ۔ کبیر خان کی ہدایت میں بنی فلم ‘‘بجرنگی بھائی جان’’ اس سال عید کے موقع پر ریلیز ہوئی تھی۔ ‘‘بجرنگی بھائی جان’’ نے باکس آفس پر 320 کروڑ روپے کی زبردت کمائی کی تھی وہیں سورج بڑجاتیہ کی ہدایت میں بنی فلم ‘‘پریم رتن دھن پایو’’ اب تک 200 کروڑ روپے سے زیادہ کی کمائی کر چکی ہے ۔ اس طرح سلمان نے 200 کروڑ کلب میں ہیٹ ٹرک لگا دی ہے ۔ 200 کروڑ سے زیادہ کی کمائی کرنے والی فلموں میں اداکاری کرنے والے بطور ہیرو عامر خان، شاہ رخ خان اور ریتک روشن جیسے ستارو ں کا نام بھی ہے ۔