ممبئی(ایجنسی)بالی ووڈ کی باربی گر ل کٹرینہ کیف کا کہنا ہے کہ دبنگ اداکار سلمان خان اور ان کے درمیان کوئی اختلاف نہیں ہے اور ان کے تعلقات آج بھی بہتر ہیں ۔ سلمان نے کٹرینہ کیف کے کریئر کو سجانے سنوارنے میں اہم کردار ادا کیا ہے ۔ بالی ووڈ میں سلمان خان کو کٹرینہ کا گارڈفادر سمجھا جاتا ہے ۔ سلمان نے سب سے پہلے میں نے پیار کیوں کیا میں کٹرینہ کیف کو کام کرنے کا موقع دیا تھا اور اسی فلم کے بعد سے کٹرینہ نے فلم انڈسٹری میں اپنی شناخت بنائی تھی ۔ بالی ووڈ میںا س بات کا ذکر ہے کہ سلمان اور کٹرینہ کیف کے درمیان اب کچھ ٹھیک نہیں چل رہا ہے ۔ بتایا جاتا ہے کہ رنبیر کپور کے ساتھ بڑھتی نزدیکی کی وجہ سے کٹرینہ کیف اور سلمان کے درمیان دوریاں بڑھ گئی ہے ۔ کٹرینہ کیف کا کہنا ہے کہ وہ آج بھی سلمان کے بے حد قریب ہے اور ان کے رشتو ںمیں کوئی تلخی نہیں آئی ہے ۔
