ممبئی (وارتا)بالی ووڈکے مشہور اداکارگووندا نے سلمان خان کی فلم میں کام کرنے سے انکار کردیا ہے۔ بالی ووڈ کے دبنگ اسٹار سلمان خان اداکار ہدایت کار مہیش منجریکر ایک مراٹھی فلم کا ہندی میں ریمیک بنانے جارہے ہیں بتایا جاتا ہے کہ اس فلم کیلئے سلمان خان نے گوونداسے بات چیت کی تھی لیکن بات نہیں بن سکی۔ سلما ن خان نے کہا کہ میں اس فلم کیلئے تین سال سے گووند اسے بات چیت کررہا تھا لیکن انھیں یہ فلم پسند نہیںآئی۔ سلمان نے کہا کہ اس فلم کیلئے کاسٹ تیار نہیں ہوئی ہے۔ ہم اس فلم کا نام ’گاڈاونلی نوز‘رکھ سکتے ہیں۔ بتایا جاتا ہے کہ اس فلم میں سلمان مہمان اداکارکے طورپرکام کرسکتے ہیں ۔ فلم کی شوٹنگ فروری میں شروع کی جائے گی۔
