ممبئی (وارتا) بالی ووڈ کے مشہور موسیقار ، گلوکار اور اداکار ہمیش ریشمیا مکالموں کی ادائیگی کے بے تاج بادشاہ راج کمار سے ملتا جلتا کردار سلور اسکرین پر ادا کرسکتے ہیں۔ بالی ووڈ میں اس بات کا ذکر ہے کہ ہمیش اپنی آئندہ ’دی ایکسپوز ‘ میںایک فلم میں ایسے پولیس افسرکا کردار ادا کرنے جارہے ہیں جو معطل کردیا جاتا ہے۔ بتایا جاتا ہے کہ اس کردار کیلئے ہمیش نے اپنا وزن تقریباً بارہ کلو کم کیا ہمیش نے اپنے کردار کیلئے راج کمار سے حوصلہ لیا ہے۔ واضح رہے کہ پچاس کی دہائی میں راجکمار ممبئی کے ماہم پولیس اسٹیشن میں بطور سب انسپکٹر تعینات تھے بعد میں راج کمار نے اپنی ملازمت چھوڑدی اور فلموںمیں اداکار بننے کی طرف اپنا رخ موڑ دیا۔ بتایا جاتاہے کہ ساٹھ کی دہائی کے پس منظر پر بننے والی اس فلم کیلئے ہمیش نے نرگس فاخری سے بات چیت کی تھی لیکن بات نہیں بن سکی تھی ہمیش اب نئی اداکارہ کی تلاش کررہے ہیں۔ ہمیش نے آپ کاسرور ، قرض ،کجرارے ، ریڈیو اور دما دم جیسی فلموں میں اداکاری کی ہے۔
