سمستی پور میں آگ سے 200مکانات جل کر تباہ

سمستی پور:بہار کے سمستی پور ضلع میں آج تین الگ الگ مقامات پر آگ لگنے سے کم از کم 200مکانات جل کر تباہ ہوگئے ۔پولیس نے یہاں بتایا کہ ضلع کے پٹوری ڈمری، میں آگ لگنے سے تقریباً 100مکانات جل گئے اور 20 سے زیادہ مویشیوں کی موت ہوگئی۔ مقامی لوگوں کی مدد سے آگ پر قابو پانے کی کوشش کی جارہی ہے ۔ضلع کے روسڑا کے گھرواری اور اجیار پور کے بلرام پور گاوں یمں بھی آگ لگنے کے واقعات میں سو سے زیادہ مکانات جل گئے ۔ ان واقعات میں تقریباً بیس لاکھ روپے کی جائیداد جل کر تباہ ہوگئی۔ فائر بریگیڈ اور مقامی لوگوں کی مدد سے آگ پر قابو پانے کی کوشش کی جارہی ہے ۔