سندھو سیمی فائنل میں،اڈوانی ومنن پری کوارٹرفائنل میں

مکائو۔ گزشتہ چمپئن پی وی سندھو نے اپنی شاندار کارکردگی جاری رکھتے ہوئے آج یہاں چین کی ہان لی کو تین گیمز میں شکست دے کر مکائو اوپن گراں پری گولڈ بیڈمنٹن ٹورنامنٹ کے خواتین سنگلز کے سیمی فائنل میں جگہ بنائی۔ دنیا کی 11 ویں نمبر کی کھلاڑی سندھو نے چین کی پانچویں ترجیحی کھلاڑی کو ایک گھنٹے سے بھی زیادہ چلے مقابلے میں 21-17، 19-21، 21-16 سے شکست دی۔ دوسری ترجیحی سندھ
و اگلے دور میں کینیڈا کی مشیل لی اور لینڈ کی بسانن اوگبمروگپان کے درمیان ہونے والے میچ کی فاتح سے بھڑیگی۔ سندھو نے پہلے گیم میں آغاز میں ہی برتری بنائی لیکن چین کی کھلاڑی نے اسکور 6-5 کر دیا۔ ہندوستانی کھلاڑی اگرچہ دوبارہ برتری بنانے میں کامیاب رہی اور اسے پہلا گیم جیتنے میں کوئی پریشانی نہیں ہوئی۔ دوسرے گیم میں بھی سندھو نے 11-6 کی برتری بنائی لیکن ہان نے مسلسل پانچ پوائنٹس جیت کر برابری حاصل کرلی اور بالآخر گیم جیت کر برابری حاصل کرنے میں کامیاب رہی۔ تیسرے اور فیصلہ کن گیم میں ہان نے 6-3 کی برتری بنائی لیکن سندھو نے جلد ہی واپسی کرتے ہوئے اسکور 14-8 کر دیا جس کے بعد انہیں گیمز اور میچ جیتنے میں کوئی پریشانی نہیں ہوئی۔ ہندوستانی کھلاڑی نے مسلسل چار پوائنٹس کے ساتھ مقابلہ اپنے نام کیا۔ہندوستانی چیلنج کی قیادت کر رہے پنکج اڈوانی اور نمن چندرا نے اپنے فاتح حکم کو جاری رکھتے ہوئے عالمی اسنوکر چمپئن شپ کے پری کوارٹرفائنل میں داخلہ حاصل کر لیا ہے۔ سیشن کے چوتھے خطاب کے لیے کھیل رہے اڈوانی نے ہم وطن کھلاڑی کو 5۔2 سے شکست دی جبکہ نمن نے انگلینڈ کے نک جینگ کو 5۔3 سے ہرا کر پری کوارٹرفائنل میں جگہ یقینی کی۔اڈوانی نے میچ میں 126 کا بریک لگا کر اچھی شروعات کرتے ہوئے مقابلہ جیتا۔ نمن نے اپنے مقابلے میں برتری بنائی اور آٹھویں فریم میں 51 کی بریک لگایااور مقابلہ جیتا۔اگرچہ چمپئن شپ میں کھیلے گئے میچ میں جس نے سب سے زیادہ نظر حاصل کی وہ رہے چینی نوجوان کھلاڑی یانگ بگتا اور جھااے شنتوگ۔سال 2013 کے رنر کھلاڑی کے ساتھ آخری16 میں جگہ پکی کی۔ جھانے برازیل کے اینڈرسن لورسین کو 5۔3 سے جبکہ بگتانے ویلز کے گیریتھے ایلن کو 5۔3 سے شکست دی۔پاکستانی کھلاڑی محمد ساجد نے ڈانے جونز ویلز یو52 سے اور تھائی لینڈ کے کرتسانوت لیرتساتکاتھورن نے ہانگ کانگ کے چا یون 5۔3 سے ہرا کر اگلے راؤنڈ میں جگہ بنائی۔