ممبئی(وارتا)بالی ووڈکے سنگھم اسٹاراجے دیوگن اپنی آنے والی فلم سنگھم ۲ کیلئے ان دنوں سخت محنت کررہے ہیں ۲۰۱۱ میں روہت شیٹی نے اجے دیوگن کو لیکر سنگھم بنائی تھی۔ روہت شیٹی اب سنگھم کا سیکول سنگھم ۲ بنانے جارہے ہیں۔ سنگھم میں اجے دیوگن نے اپنے جسم پر کافی محنت کی تھی اوروہ چاہتے ہیں سنگھم ۲ میںبھی کچھ خاص نظرآئے اس لئے وہ سخت محنت کررہے ہیں اجے دیوگن نے کہا کہ مجھے سنگھم۲ کیلئے پھر سے جسمانی طور سے بہتر ہونا ہوگا اوراس کیلئے میںسخت محنت کررہاہوں سنگھم ۲ کی کہانی کافی اچھی ہے اس بار کا ولن کافی مزاحیہ ہوگا۔اس فلم میں اداکارہ کا کرداربھی کافی الگ ہوگااورہیروئن کے طورپر ہمیں کرینہ کپور مل گئی ہیں۔یہ فلم ۱۵؍اگست کو ریلیزہوسکتی ہے۔وہیں سنگھم اسٹاراجے دیوگن کا کہناہیکہ وہ سلمان خان کی طرح بگ باس کی میزبانی نہیںکرسکتے ہیں بالی ووڈ میںا س بات کاذکر ہیکہ سلمان خان بگ باس سیزن آٹھ کی میزبانی نہیں کرسکتے ہیں۔ اجے دیوگن نے کہا کہ بگ باس کی میزبانی کرنے کی پیشکش اگر ہوتی ہے تو اس کے بارے میں میں کچھ نہیں کہہ سکتا ہوں سلمان نے بگ باس کی کافی بہتر میزبانی کی تھی ۔ اجے دیوگن نے کہاکہ سلمان جس طرح بگ باس کی میزبانی کرتے ہیں وہ دیکھنے کے لائق ہوتی ہے۔ میں سلمان کی طرح بگ باس کی میزبانی نہیں کرسکتا ہوں میںا س بات کو نہیں مانتا کہ مدمقابل دوست نہیں ہوسکتے ہیں سلمان اورسنجے دت میرے بیحدقریب ہیں۔ ہم ایک دوسرے کی فلم کے سیٹ پر اکثر ملتے رہتے ہیں۔ جب ہمیں ایک دوسرے کی ضرورت ہوتی ہے ہم ساتھ ہوتے ہیں۔
