ممبئی ۔ بالی ووڈ اداکار سلمان خان اپنی آنے والی فلم ایک بار پھر سے ڈیزی شاہ کو کام کا موقع دے سکتے ہیں۔ بالی ووڈ کے مشہور ہدایت کار سورج بڑجاتیہ اپنے راج شری پروڈیکشن کے بینر کے تحت تقریباً آٹھ سال بعد ایک بار پھر سے کوئی فلم کی ہدایت کاری کرنے جارہے ہیں جس کیلئے سلمان خان کو لیاگیا ہے بتایاجاتا ہے کہ اس فلم کا نام بڑے بھیا رکھاگیا ہے۔ ڈیزی شاہ نے ابھی حال ہی میں آئی فلم جے ہو میں سلمان کے ساتھ کام کیا ہے۔ سلمان خان کا کہنا ہے کہ ڈیزی شاہ اسکرین پر کافی خوبصورت نظرآتی ہیں۔ سورج اس فلم میں کئی دن سے سلمان کیلئے ہیروئن کی تلاش کررہے ہیں۔ بتایا جاتا ہے کہ سلمان نے سورج کو ڈیزی شاہ کا نام اداکارہ کے طورپر پیش کیاہے اگر سب کچھ ٹھیک رہا تو ڈیزی شاہ ایک بار پھر سے سلمان خان کے ساتھ رومانس کرتی نظرآسکتی ہیں۔
